•  

    名古屋
    名古屋介绍

    名古屋介绍

    名古屋攻略

    去得東京同大阪多覺得有啲悶?不如試吓去中部地區嘅名古屋啦!名古屋唔算好大,所以好多旅客玩完名古屋仲會去埋附近嘅立山黑部睇紅葉或者大雪牆。除咗立山黑部,附近嘅合掌村亦都非常出名,冬季到訪仲會見到點燈儀式,場面好夢幻!

    想直飛去名古屋,可以揀中部國際機場(NGO),機場夠哂大,有四層俾你慢慢行。而且機場距離名古屋市都只係28分鐘車程,夠哂方便!

    由中部國際機場出名古屋市中心有好多種方法,當中最快嘅一定係搭名古屋鐵道(名鐵),只係28分鐘就到!唔想搭JR嘅仲可選擇搭巴士,但需時較長,大概需要50分鐘至個半鐘先去到市中心。睇返兩者嘅車費其實都係差唔多,所以都係推介搭名鐵!

    由香港出發到名古屋只需要大約四個鐘,而大部分航班由早上10點至下午4點起飛,返港航班則有下午機同夜晚機揀,夠哂靈活。


    目前有四間航空公司提供直航服務來回香港同名古屋。

    • 香港快運:窮遊必揀,雖然冇嘢食,但勝在平人哋成截!
    • 國泰航空:港人最愛嘅航空公司,仲可以儲埋Asiamiles!
    • ANA全日本:日本航空公司,服務殷勤,仲有正宗日式飛機餐揀!
    • 日本航空:日本航空公司,寰宇一家聯盟成員,可以轉儲Asiamiles!
    关闭
關注我們
Facebook Youtube Instagram 新浪微博

©2017,總要飛有限公司 版權所有,不得轉載

texpert.com網站由總要飛有限公司營運︱旅行社牌照號碼353969︱總要飛有限公司為專業旅運(亞洲)企業有限公司(香港聯合交易所主板上市︱股份代號:1235)集團成員