返回

  •  

    大阪
    大阪介绍

    大阪介绍

    大阪攻略

    對香港人嚟講,大阪就親切得好似返屋企一樣,無論係大阪燒、心齋橋嘅藥妝店定係關西人嘅熱情,都令人忍唔住要返「鄉下」。通常去大阪自由行,都會玩埋京都、奈良同神戶,滿足你購物慾望嘅同時又可以了解日本文化。

    關西國際機場係日本關西地區的主要國際機場,距離大阪市中心約38公里,車程約1小時。機場內有24小時開放嘅休息室KIX Airport Lounge,提供開放式座位、單人隔間同淋浴室。大阪附近仲有另一個機場-伊丹空港,主要行走日本國內航線,比關西國際機場更接近大阪巿中心,車程只需約20分鐘。

     

    由關西機場去市中心有幾種方法,包括鐵路同巴士。可以搭JR關西機場快速前往大阪站,或者搭關空特急はるか前往新大阪及京都,如果要前往關西地區其他城市,可以喺大阪站轉線。除咗JR,亦可以搭南海電鐵去難波、道頓堀一帶。仲可以搭機場巴士前往大阪市幾個中心點,包括大阪站。

    每日有超過14個航班由香港直飛大阪,早午晚凌晨都有!而且大部分航空公司每日都會有飛大阪嘅航次。如果想玩到盡,可以搭凌晨機,因為朝早6點就到達大阪喇!

    飛往大阪嘅航空公司可以分為傳統航空、廉航。傳統航空公司包括香港航空、國泰航空、印度航空、全日空航空、日本航空。而廉航就有樂桃航空、香港快運航空、捷星日本航空。廉航冇包行李同機上餐飲,但不時會有大特價,價錢非常平。而傳統航空有行李托運,Shopping唔洗就住就住!

    关闭
關注我們
Facebook Youtube Instagram 新浪微博

©2017,總要飛有限公司 版權所有,不得轉載

texpert.com網站由總要飛有限公司營運︱旅行社牌照號碼353969︱總要飛有限公司為專業旅運(亞洲)企業有限公司(香港聯合交易所主板上市︱股份代號:1235)集團成員