•  

    釜山
    釜山介绍

    釜山介绍

    釜山攻略

    除咗首爾,釜山係韓國另外一個旅遊熱點。釜山位於韓國的東南部,是韓國的第一大海港城市。由於有好多海水浴場,所以一直係中外遊客嘅消暑勝地。而且釜山係覓食好去處,臨海嘅環境令呢度有好多新鮮海產,即場捉即場食都得!

    金海國際機場係韓國第二大國際機場,距離釜山市中心大約40分鐘。機場入面可以退稅,亦有免稅店。不過提提你,出境前會有多啲餐廳選擇,肚餓嘅朋友記得過關前食定嘢喇!

    由金海國際機場去市中心,最方便係搭機場巴士,可以前往海雲台、西面、釜山站、南浦洞等地。另外亦有地鐵,不過就需要搭完金海機場輕軌列車喺沙上站轉乘釜山地鐵,對於多行李嘅遊客會唔係幾方便。

    每日有超過3班由香港直飛釜山嘅航班,全部都係凌晨機,而香港快運航空星期日、二、四,就各有一班早機。

    大韓航空、釜山航空、港龍航空每日都有一班直飛航班去釜山,而香港快運航空星期日、二、四都各有一班飛釜山嘅航班。大韓航空、港龍航空係傳統航空,而釜山航空雖然係低成本航空,但都包咗行李寄艙同機上餐點。而香港快運航空就係廉航,冇行李冇機上餐點。

     

    关闭
關注我們
Facebook Youtube Instagram 新浪微博

©2017,總要飛有限公司 版權所有,不得轉載

texpert.com網站由總要飛有限公司營運︱旅行社牌照號碼353969︱總要飛有限公司為專業旅運(亞洲)企業有限公司(香港聯合交易所主板上市︱股份代號:1235)集團成員