返回

  •  

    首爾
    首爾介绍

    首爾介绍

    首爾攻略

    「安妞!」近年韓流吹襲,首爾已經成為香港人嘅旅遊熱點。首爾係女性天堂,因為嚟呢度可以買到最新最齊嘅化妝品,鍾意韓星嘅話,仲有可能喺街上偶遇!

    首爾市內仲有唔少博物館同歷史遺址,一定唔會悶。

    首爾有兩個機場:仁川國際機場、金浦國際機場,由香港去首爾都係飛仁川機場。而金浦機場就比較多飛國內線、日本。仁川機場距離市區較遠,需要40-50分鐘車程,而金浦機場就比較近,只需要20-30分鐘左右。仁川國際機場內有汗蒸幕同膠囊飯店「閣樓‧休」,方便搭超早機同超夜機嘅旅客。

    無論由仁川國際機場定金浦國際機場,都可以搭鐵路出市區。由仁川機場出發嘅話,可以選擇直達首爾站嘅AREX列車或者途經弘大站嘅一般列車。而由金浦機場出發就要搭一般列車,去弘大都只需要20分鐘咋!另外兩個機場出發都可以搭機場巴士去市中心唔同地方。

    香港每日有超過23班航班直飛首爾仁川機場,由凌晨到夜晚都有。唔少人都會揀凌晨機,因為落機可以即刻去玩!

    由香港直飛首爾嘅傳統航空公司包括大韓航空、韓亞航空、國泰航空、香港航空、印度航空、泰國國際航空、埃塞俄比亞航空,而廉航就有香港快運航空、濟州航空、真航空、易斯達航空。廉航經常有優惠,不過就多數要再加行李錢,如果大家要瘋狂Shopping就要衡量吓價錢喇!

    关闭
關注我們
Facebook Youtube Instagram 新浪微博

©2017,總要飛有限公司 版權所有,不得轉載

texpert.com網站由總要飛有限公司營運︱旅行社牌照號碼353969︱總要飛有限公司為專業旅運(亞洲)企業有限公司(香港聯合交易所主板上市︱股份代號:1235)集團成員