返回

  •  臺北酒店

    臺北酒店介紹

    臺北酒店介紹

    臺北攻略

    作為臺灣最大城市嘅臺北,唔單止多嘢買,仲有個機會俾你扮文青同去夜市掃街,最最最重要嘅係,夠平!平靚正嘅臺北簡直係港人「放短break」嘅旅遊勝地,如果有時間玩多幾日,仲可以去埋臺北附近嘅北投,北投最出名就係浸溫泉,價錢仲好相宜!

     

    住邊度?

    揀住宿最緊要揀間近捷運站,而家有好多位置方便,CP值高的特色酒店進駐!

    • 二十輪旅店大安館:奉行極簡主義的酒店,用咗白色做主色,設計摩登。
    • 誠品行旅:誠品書店撈過界撈埋酒店,呢間酒店用書做主題,愛書之人必試!
    • 路徒行旅:酒店有足球機、氣墊球,仲有無限汽水零食俾你任飲任食,好玩!

     

    搭咩車去景點?

    臺北唔算大,好多市內景點嘅位置都好集中,所以都建議大家搭捷運前往,如果想慳多啲錢,最好就買埋張悠遊卡,搭捷運同巴士可以平啲!如果想去臺北附近嘅城市,推薦搭捷運,一般嚟講,1-2個鐘頭就到喇!

     

    邊度租車?

    臺北市區非常繁忙,唔太適合自駕遊,但若想租車嘅朋友可以考慮喺機場辦理有關手續,機場有三間租車公司提供,分別為慶賓租車、安維斯(Avis)同和運租車,啱哂唔同budget嘅旅客。

     

    搭咩車去酒店?

    大部分喺臺北市區嘅酒店都好近捷運站,如果行李唔多嘅絕對可以考慮!但如果拎住好多行李同手信嘅話,搭的士都唔係好貴,大槪70元臺幣起跳,幾個人share車資分分鐘會平過搭捷運!

    關閉
關注我們
Facebook Youtube Instagram 新浪微博

©2017,總要飛有限公司 版權所有,不得轉載

texpert.com網站由總要飛有限公司營運︱旅行社牌照號碼353969︱總要飛有限公司為專業旅運(亞洲)企業有限公司(香港聯合交易所主板上市︱股份代號:1235)集團成員