•  京都酒店

    京都酒店介紹

    京都酒店介紹

    京都攻略

    如果喺大阪行街買野買到荷包大出血,不防轉戰鄰近嘅京都,除咗比荷包稍作歇息外,亦係一個遠離石屎森林、洗滌心靈同了解日本傳統文化嘅好機會。由於大阪去京都車程時間短,可以選擇即日來回京都大阪,又或者慢慢欣賞橫街古巷嘅特色小店,分分鐘可能喺花見小路見到藝妓嘅身影添!

     

    住邊度?

    去京都,通常都會住喺交通方便嘅京都站或者購物熱點河原町站附近。兩個大站咗左有好多日本品牌服裝店鋪外,亦有好多令人垂延三尺嘅美食餐廳任君選擇。

    • 新阪急京都酒店:位於JR京都站附近,交通方便,酒店亦都係2010年重新裝修過,新淨企理!
    • 京都新都酒店:同樣位於JR京都站附近,隨時可以喺京都站嘅地下街瘋狂購物,而且房間算大,空間感十足!
    • 巴赫大酒店:距離河原町站只有2分鐘車程,行街食飯勁方便!而且只需要10分鐘車程就可到達清水寺,方便觀光同買手信!

     

    搭咩車去景點?

    喺京都主要可以搭巴士、地鐵、私鐵或者JR去參觀景點。推薦600 日圓就可以買到嘅京都地鐵一日券,又或者購買Kansai Thru Pass,喺有效期內乘搭京都、大阪、神戶、比叡山、姬路,和歌山、奈良、高野山的地鐵、私鐵、同巴士嘅指定車種(JR除外),幫你節省一大筆!

     

    邊度租車?

    京都有唔少租車公司可以選擇,租車價格各有唔同,視乎汽車品牌、型號同天數。係日本自駕遊可以唔需要趕車同計算轉車時間,咁就可以休閒地參觀更多嘅文化遺產景點啦!

     

    搭咩車去酒店?

    由關西國際空港機場去京都可以選乘JR關空特急はるか,大約75分鐘就可以到達京都駅。京都交通非常方便,如果要去位於京都以外嘅酒店,可以乘搭私鐵或地鐵。如果由大阪出發前往京都,可以喺梅田駅搭阪急京都線,或者JR京都線由大阪駅或者新大阪駅輕鬆抵達京都。

    關閉
關注我們
Facebook Youtube Instagram 新浪微博

©2017,總要飛有限公司 版權所有,不得轉載

texpert.com網站由總要飛有限公司營運︱旅行社牌照號碼353969︱總要飛有限公司為專業旅運(亞洲)企業有限公司(香港聯合交易所主板上市︱股份代號:1235)集團成員